Frá og með deginum í dag, fimmtudeginum 1. júlí, geta íbúar á Norðurlandi leitað til Píeta samtakana og fengið viðtöl hjá fagfólki. Félagasamtökin opnuðu í morgun fyrsta útibú sitt á landsbyggðinni þegar starfssemi hófst í „Gamla spítalanum” við Aðalstræti 14 á Akureyri.
Samtökin eru forvarnarsamtök gegn sjálfsvígum og veita þeim fría aðstoð sem þjást af sjálfsvígshugsunum. Einnig bjóða samtökin upp á aðstoð fyrir þá sem hafa misst eða þá sem hafa áhyggjur af ástvini.
Í tilefni að opnuninni verður kyrrðarstund í Glerárkirkju í kvöld klukkan 20:00.
UMMÆLI