Akureyringurinn Finnur Aðalbjörnsson ruddi Öxnadalsheiðina einn síns liðs á miðvikudaginn. Finnur er eigandi fyrirtækjanna Finnur ehf. og Motul á Akureyri en starfsmenn fyrirtækjanna voru á leið í vinnuferðir.
Ófært var yfir Öxnadalsheiðina á miðvikudaginn sökum óveðurs en Finnur fékk leyfi frá Vegagerðinni til þess að ryðja. Yfir 20 bílar nýttu sér að lokum leiðina sem Finnur ruddi en þar á meðal voru til dæmis félagar hans á leiðinni á EM í handbolta.
Vegagerðin heimilar alla jafna ekki að einstaklingar fái að ryðja lokaða fjallvegi á eigin vegum en gerð var undantekning á því á miðvikudag.
UMMÆLI