Sex nýsköpunarteymi á Norðurlandi kláruðu nýverið viðskiptahraðalinn Startup Storm sem Norðanátt, hreyfiafl nýsköpunar á Norðurlandi, stóð að. Þetta kemur fram í tilkynningu SSNE.
Startup Stormur er sjö vikna viðskiptahraðall með áherslu á sjálfbærni og græn verkefni, þar sem þátttakendur fá tækifæri til að efla sig og sín fyrirtæki og vaxa með vindinn í bakið.
Þetta er í þriðja sinn sem Norðanátt stendur fyrir viðskiptahraðli. Start up stormur hófst 4. október. Þátttakendur hafa síðastliðnar sjö vikur fengið fræðslu, setið vinnustofur og myndað tengingar við reynslumikla aðila úr atvinnulífinu á svokölluðum mentorafundum.
Lokaviðburður var haldinn með pompi og prakt fimmtudaginn 16. nóvember síðastliðinn á Flugsafni Íslands. Nýsköpunarteymin stigu á stokk og kynntu verkefni sín fyrir fullum sal boðsgesta en um 80 manns sóttu viðburðinn og hlýddu á kynningar.
Dómnefnd og gestir í sal fengu að kjósa um besta verkefnið og bar verkefnið 3D- lausnir sigur úr býtum og vann 500.000 krónur sem mun vonandi nýtast vel í áframhaldandi þróun.
Hér að neðan má lesa nánar um verkefni þátttakenda.
Ísponica – Amber Monroe
Ræktun grænmetis og kryddjurta með aquaponics (afrennsli fiskeldis) lóðréttri búskap. Markmiðið er að rækta mat innandyra, allt árið um kring með áherslu á sjálfbæra framleiðslu.
Kaffibrennsla Skagafjarðar – Vala Stefánsdóttir
Kaffibrennsla Skagafjarðar, nýbrennt og ferskara kaffi
Rækta microfarm – Serena og Giacomo
Minnkum kolefnisspor og drögum úr innflutningi og matarsóun. Rækta Microfarm er umhverfisvæn framleiðsla á grænsprettum, sælkerasveppum og hampblómum.
Sigló Sea – Laken Hives
Sjálfbær ræktun á þangi og kræklingarækt og samfélagsleg þróun ferðaþjónustu.
Vallhumall – Elínborg Ásgeirsdóttir
Gamalkunn íslensk lækningajurt fær nýtt hlutverk sem bragðefni í matvælaframleiðslu.
3D Lausnir – Jón Þór og Arnar
Hringrásasteypa og þrívíddarprentun.
UMMÆLI