Becromal við Krossanes
Um þrjúleytið í dag, 8. maí varð sinubruni á um hálfs hektara svæði í Krossanesborgum. Slökkviliði bæjarins barst tilkynning frá vegfaranda um þrjúleytið. Lítur allt út fyrir að um íkveikju hafi verið að ræða.
„Miðað við vindátt og þurrk sem hefur verið undanfarið brugðumst við hratt við. Við fórum allir og kölluðum meira að segja inn fjóra til viðbótar,“ segir Sigurður Sæmundsson, varðstjóri hjá Slökkviliðinu á Akureyri, í samtali við mbl.is.
Það gekk ágætlega að slökkva eldin með svökölluðum nornakústum áður en vatn var notað til að koma í veg fyrir að eldurinn tæki sig upp aftur. Mikill þurrkur er á þessu svæði þessa dagana. Þetta er þriðja útkall slökkviliðsins í vor. Eins og greint var frá á Kaffid.is varð sinubruni í Síðuhverfi í lok apríl. Að þessu sinni var mannabyggð ekki í hættu en sinubruni sem þessi getur haft slæm áhrif á lífríki og náttúru.
UMMÆLI