Sveinn Margeir Hauksson skoraði stórglæsilegt mark í stórsigri KA á Leikni í Bestu deild karla í fótbolta um helgina. Sveinn kom KA mönnum í 5-0 með markinu og tryggði stærsta útisigur í sögu KA manna í efstu deild í fótbolta.
Sveinn fékk boltann á eigin vallarhelmingi og fór fram hjá nokkrum Leiknismönnum á leið sinni yfir völlinn að vítateig andstæðinganna þar sem að hann smellti boltanum í netið rétt fyrir utan teig.
Sjá einnig: Stærsti útisigur KA í efstu deild í knattspyrnu
Sveinn hefur verið að spila vel fyrir KA í sumar og Sævar Pétursson, framkvæmdastjóri KA, vill að hann fari að fá tækifæri hjá U21 landsliði Íslands.
„Vil benda mönnum á að Sveinn Margeir er gjaldgengur í U21. Er að spila stórkostlega þessa dagana og kórónaði það með frábæru marki í dag,“ skrifaði Sævar á Twitter síðu sína eftir leik KA og Leiknis.
Mark Sveins má sjá á myndbandinu hér að neðan:
UMMÆLI