Aron Kristófer Lárusson skoraði og lagði upp
Þórsarar unnu 2-0 sigur á Þrótti Reykjavík í Inkasso-deildinni í fótbolta í gærkvöldi þegar liðin áttust við á Þórsvelli. Lífsnauðsynlegur sigur fyrir Þórsara til að geta keppt um efstu sætin en þeir sitja í fjórða sæti, þremur stigum frá öðru sæti sem gefur keppnisrétt í Pepsi-deildinni á næstu leiktíð.
Aron Kristófer Lárusson gerði fyrra mark Þórs og reynsluboltinn Orri Freyr Hjaltalín hið síðara.
Leikurinn var sýndur beint á heimasíðu Þórs og hefur nú verið klippt saman myndband með mörkum leiksins. Það má sjá hér fyrir neðan.
UMMÆLI