fbpx

Sjöundi sigur KA/Þór í röð

KA/Þór vann enn einn leikinn í 1.deild kvenna um helgina þegar þær fengu Víkingskonur í heimsókn í KA-heimilið.

Stelpurnar hafa verið algjörlega óstöðvandi að undanförnu og það var snemma ljóst í hvað stefndi í þessum leik. KA/Þór tók frumkvæðið snemma leiks og leiddi í leikhléi með 14 mörkum gegn 8.

Víkingskonur gáfust ekki upp í síðari hálfleiknum en tókst þó ekki að ógna forystu heimakvenna að neinu viti. Lokatölur 27-23 fyrir KA/Þór og sitja þær nú einar á toppi deildarinnar.

Mörthu Hermannsdóttur héldu engin bönd frekar en oft áður en hún skoraði

Reynsluboltarnir drógu vagninn í markaskorun í þetta skiptið.

meirihlutann af mörkum liðsins eða alls fjórtán. Katrín Vilhjálmsdóttir var langnæstmarkahæst með sex mörk.

Markaskorarar KA/Þór: Martha Hermannsdóttir 14, Katrín Vilhjálmsdóttir 6, Aldís Ásta Heimisdóttir 2, Kara Rún Árnadóttir 2, Kolbrún Gígja Einarsdóttir 2, Sandra Kristín Jóhannesdóttir 1.

Markaskorarar Víkings: Alina Molkova 9, Andrea Olsen 6, Steinunn Birta Haraldsdóttir 4, Júlía Rut Kristjánsdóttir 1, Kristín María Reynisdóttir 1, Ásta Björk Agnarsdóttir 1, Sophe Klapperich 1.

UMMÆLI