Í kvöld kom fékk Slökkvilið Akureyrar nýjan slökkvibíl á slökkvistöðina. Á Facebook síðu slökkviliðsins segir að bíllinn sé frábær viðbót í flotann og að hann muni nýtast vel í framtíðar verkefnum slökkviliðsins.
Bíllinn er sérstaklega hannaður svo hann henti vel til björgunar- og slökkvistarfa í jarðgöngum. Reiknað er með að hægt verði að taka hann í notkun á næstu vikum.
„Bíllinn sem um ræðir er af gerðinni IVECO og er fjórhjóladrifinn, sjálfskiptur með 1300l slökkvikerfi, með mónitor á framstuðara, IR myndavél (hitamyndavél), 2700 lítra loftbanka fyrir slökkviliðsmenn, klippubúnað, loftpúðum, 12m stiga og 5 reykköfunartækjum svo það helsta sé nefnt. Nú tekur við þjálfun starfsmanna á þessa flottu bifreið áður en hún verður sett í fyrstu línu,“ segir á Facebook síðu slökkviliðsins.
UMMÆLI