Snjóframleiðsla í Hlíðarfjalli hófst í dag

Stefnt er á opnun í Hlíðarfjalli 1. desember

Í dag hófst snjóframleiðsla í Hlíðarfjalli. Snjóbyssurnar voru ræstar í hádeginu í dag. Alls ellefu byssur framleiða nú snjó í brekkurnar þar sem starfsfólk Hlíðarfjalls vinnur úr honum ásamt þeim snjó sem hefur fallið undanfarna daga.

Eins og við greindum frá hér á Kaffinu um daginn er stefnt á að opna í Hlíðarfjalli 1. desember næstkomandi.

Guðmundur Karl Jónsson forstöðumaður segir að snjóalög séu þokkaleg og þetta líti ágætlega út og enn stefnt að opnun 1. desember. Forsala vetrarkorta er hafin á Akureyri Backpackers.