Stórleikur í Skautahöllinni í kvöld

Mynd: sasport.is

Það verður toppslagur í Hertz-deild kvenna í íshokkí í kvöld þegar lið Skautafélags Akureyrar, Ásynjur og Ynjur mætast.

Óhætt er að segja að þarna fari tvö bestu lið landsins í vetur en Ynjur eru með fullt hús stiga á toppi deildarinnar eftir sex leiki og Ásynjur eru í öðru sæti, hafa aðeins tapað einum leik, einmitt gegn Ynjum.

Ásynjur er eiginlegt meistaraflokkslið SA á meðan Ynjur eru yngra lið SA. Ungviðið hafði betur, 5-3 þegar liðin mættust fyrr í vetur.

Það má því búast við hörkuleik í Skautahöll Akureyrar í kvöld og hefjast herlegheitin klukkan 19:30.

Stöðutafla Hertz deildar kvenna.