![](http://www.kaffid.is/wp-content/uploads/2017/03/17308932_1328884343857212_4432550820650223250_n-650x366.jpg)
Sushi Corner
Veitingastaðurinn Sushi Corner opnar í Kaupvangsstræti 1 síðar í þessum mánuði. Húsið sem um ræðir hefur til að mynda hýst samlokustaðinn Subway til fjölda ára.
Einar Geirsson, eigandi Rub23, sér um opnun staðarins. Hann sagði í samtali við Kaffið fyrir skemmstu að um svokallaðan sushi-train stað væri að ræða. Fyrir þá sem ekki vita virka slíkir staðir þannig að sest er við færiband og viðskiptavinir grípa þá diska sem þeim hugnast að snæða.
Á staðnum verður bæði hægt að borða inni og taka með sér heim. Samkvæmt Facebook síðu staðarins mun hann eins og áður segir opna í mars en frekari upplýsinga er að vænta.
UMMÆLI