![Hart barist í Vesturbænum í gær. Mynd: Bára/Karfan.is](http://www.kaffid.is/wp-content/uploads/2016/12/15284888_1307116762663408_7618454344342822279_n-650x433.jpg)
Hart barist í Vesturbænum í gær. Mynd: Bára/Karfan.is
Þórskonur komu sér aftur upp að hlið Breiðabliks á toppi 1.deildar kvenna í körfubolta í gær þegar liðið vann útisigur á KR, 57-66.
Afar mikilvægur sigur Þórskvenna í ljósi þess að liðin voru jöfn að stigum þegar kom að leiknum í gær. KR-konur hafa verið öflugar á heimavelli í vetur en þetta var fyrsta tap þeirra í Frostaskjólinu.
Thelma Hrund Tryggvadóttir var stigahæst í liði Þórs með sextán stig en næst á eftir henni kom Unnur Lára Ásgeirsdóttir með fimmtán. Rut Herner gerði tólf stig og Heiða Hlín Björnsdóttir ellefu.
Þetta var síðasti leikur stelpnanna á þessu ári en ekki er víst hvort þær haldi toppsætinu yfir hátíðarnar því Breiðablik á einn leik eftir fyrir jól.
UMMÆLI