Þór tryggði sér sæti í úrslitaleik bikarkeppni kvenna í körfubolta eftir 79:75 sigur á Grindavík í undanúrslitum keppninnar í Laugardalshöll í gær. Þór leikur gegn Keflavík um bikarmeistaratitil kvenna á laugardaginn.
Þór vann að lokum 79-75 sigur eftir spennandi viðureign. Stigahæst í liði Þórs Akureyrar var Lore Devos með 30 stig.
„Stórkostleg frammistaða innan vallar sem utan, frábært hugarfar, barátta, sigurvilji og trú leikmanna á verkefnið, ómetanlegir og óviðjafnanlegir stuðningsmenn sem létu Rauða hafið líta út eins og ólgusjó þrátt fyrir að vera líklega fimmfalt færri í stúkunni en stuðningsmenn Grindvíkinga. Kennslustund í hugarfari og auðvitað frábærar körfuboltakonur með snjallan og yfirvegaðan þjálfara skiluðu kvennaliði Þórs í körfubolta sæti í úrslitaleik VÍS-bikarkeppninnar eftir glæsilegan sigur á Grindvíkingum í undanúrslitaleik, 79-75, í undanúrslitum í Laugardalshöllinni í kvöld,“ segir í umfjöllun á vef Þórs sem má lesa í heild hér.
UMMÆLI