fbpx

Þrír fulltrúar að norðan í ungmennaráði Menntamálastofnunnar

Meðlimir ungmennaráðsins

Meðlimir ungmennaráðsins

Ungmennaráð Menntamálastofnunar hefur verið stofnað. Í því eru unglingar á aldrinum 14-18 ára sem verða stofnuninni innan handar með ráðgjöf um málefni og verkefni sem varða börn og ungmenni. Meðal verkefna ungmennaráðs er að vera ráðgefandi um framtíðarsýn í málum sem varða þeirra aldursflokk. Þar má nefna útgáfu námsefnis, námsmat, innritun og fleira. Þau verða starfsfólki Menntamálastofnunar innan handar og sitja fundi, málþing eða ráðstefnur á vegum hennar, halda erindi á ráðstefnum, skrifa greinar og funda með ráðamönnum.

Í ráðinu eru 22 ungmenni, 12 stúlkur og 10 strákar sem voru tilnefnd af samstarfsaðilum Menntamálastofnunnar í kjölfar samráðsfundar í vor með fulltrúum úr ýmsum starfandi ungmennaráðum. Í ráðinu eru þrír fulltrúar að norðan, þau Brynja Rún Guðmundsdóttir, Haukur Orri Kristjánsson og Hulda Margrét Sveinsdóttir.

Sjá einnig: Ungmenni berjast fyrir auknum réttindum

Fulltrúar í ungmennaráði Menntamálastofnunar eru:

  1. Anna Mínerva Kristinsdóttir
  2. Ástþór Jón Tryggvason
  3. Berglín Sólbrá Bergsdóttir
  4. Bjarki Steinar Viðarsson
  5. Brynja Rún Guðmundsdóttir
  6. Eyrún Magnúsdóttir
  7. Guðmunda Bergsdóttir
  8. Guðný Rós Jónsdóttir
  9. Gunnar Ágústsson
  10. Haukur Orri Kristjánsson
  11. Hulda Margrét Sveinsdóttir
  12. Inga Huld Ármann
  13. Ingibjörg Ragnheiður Linnet
  14. Jón Ragnar Magnússon
  15. Júlíus Viggó Ólafsson
  16. Jökull Ingi Þorvaldsson
  17. Kristján Helgason
  18. Marta Valdís Reykdal
  19. Sara Rós Hulda Róbertsdóttir
  20. Sigrún Birna Steinarsdóttir
  21. Sigurður Ingvi Gunnþórsson
  22. Sindri Smárason

Umsjónaraðili ungmennaráðsins hjá Menntamálastofnun er Erla Ósk Guðjónsdóttir

Hulda Margrét var tilnefnd af umgmennaráði Sambands íslenskra sveitarfélaga, Haukur Orri frá Siglufirði af UMFÍ og Brynja Rún Guðmundsdóttir var tilnefnd af Samfés.

UMMÆLI