Um liðna helgi var alþjóðlega dansmyndahátíðin Boreal sett í fjórða sinn í Listasafninu á Akureyri. Hátíðin hefur verið haldin árlega síðan 2020 og miðar að eflingu danslista og margmiðlunar á Norðurlandi með metnaðarfullum sýningum á vídeódansverkum frá öllum heimshornum. Mikið er lagt upp úr innsetningum í kring um verkin og að þau séu sýnd við bestu gæði hljóðs og myndar. Í ár leggur Boreal undir sig Listagilið á Akureyri dagana 10. – 23. nóvember svo nóg er eftir af viðburðum á hátíðinni í ár.
Um nýliðna opnunarhelgi voru sýnd vídeódansverk eftir listafólk utan úr heimi í bland við verk íslensks listafólks. Vel var mætt á opnunarhátíðina í Ketilhúsi Listasafnsins á Akureyri á föstudaginn 10. nóvember og var dansmyndunum afar vel tekið af gestum Boreal.
Á mánudeginum 13. nóvember hefjast sýningar í Mjólkurbúðinni og á fimmtudaginn 16. nóvember bætist Deiglan við sem sýningarrými dansmynda. Á þessum fyrsta sýningardegi Boreal í Deiglunni flytur suður-kóreski listamaðurinn Hoyoung Im dansgjörninginn EUPHORIA en það er einnig í fyrsta sinn sem dansgjörningur er fluttur fyrir framan áhorfendur á Boreal sem hingað til hefur eingöngu tekið dansmyndir til sýningar.
Dæmi um listafólk sem sýndi verk sín í Listasafninu á Akureyri um liðna helgi:
Sandra Geco
Carmen Porras
Hadi Moussally
Hekla Björt Helgadóttir
Ágústa Björnsdóttir
Elísabet Birta Sveinsdóttir
Joanna Pawlowska
Sasa Lubinska
Þóra Sólveig Bergsteinsdóttir
Erwin van der Werwe
Helgi Örn Pétursson
Vilma Tihilä
Áhugasöm geta fylgst með Boreal Screendance Festival hér:
Instagram: https://www.instagram.com/boreal_akureyri/
Facebook: https://www.facebook.com/borealakureyri
Heimasíða: https://borealak.is/
Viðburður: https://fb.me/e/3Z2btffr0
UMMÆLI