fbpx

Vilji fyrir fjölgun eftirlitsmyndavéla á Akureyri

Á fundi bæjarráðs Akureyrar í morgun var rætt um að fjölga öryggismyndavélum í bænum. Það er N4 sem greinir frá þessu.

Guðmundur Baldvin Guðmundsson formaður bæjarráðs, segir í samtali við N4 að tími væri kominn á endurnýjun eftirlistmyndavéla í bænum og hugmyndir væru komnar fram um að fjölga þeim. Þetta yrði fyrst og fremst til að auka öryggi bæjarbúa og að mikill vilji sé til þess. En vegna málefna sem snerta persónuvernd sé framkvæmd við uppsetningu slíkra véla vandmeðfarin.

Guðmundur segir að um sé að ræða samfélagsverkefni sem Akureyrarbær vinni náið með lögreglustjóra og Neyðarlínunni og að vanda verði til verka bæði í því sem við kemur staðsetningu og kostnaði. Eftir fjölgun er gert ráð fyrir því að vélarnar verði níu talsins.

UMMÆLI