Travel and Leisure, vefur og tímarit sem fjallar um ferðalög og áfangastaði, birti í vikunni umfjöllun um Skógarböðin sem stefnt er á að opna við Akureyri í febrúar.
Travel and Leisure fær ríflega fimm milljónir gesta inn á vefinn í hverjum mánuði. Þar er fjallað um Skógarböðin en umfjöllunin kemur í kjölfar samstarfs Markaðsstofu Norðurlands við Íslandsstofu og stöðugra samskipta við erlend almannatengslafyrirtæki.
Í umfjölluninni er farið yfir það hvernig heitt vatn úr Vaðlaheiði verður notað í þessa heilsulind og sagt er að Bláa lónið sé komið með samkeppni. Þá er talað um að böðin muni eflaust trekkja að ferðafólk til Norðurlands.
UMMÆLI