Múlaberg

Bryndís Rún Hansen fjórfaldur Íslandsmeistari

Bryndís stóð sig vel um helgina

Sundkonan Bryndís Rún Hansen úr sundfélaginu Óðni var ein af stjörnum Íslandsmótsins í sundi sem fram fór í Laugardalnum í Reykjavík um helgina. Bryndís gerði sér lítið fyrir og nældi í fjögur gullverðlaun.

Eins og greint var frá á Kaffinu á föstudag nældi Bryndís sér í gull og silfur á fyrsta keppnisdegi.

Hún var alls ekki hætt því hún var fyrst í mark í 50 metra flugsund­i og 200 metra skriðsundi í gær og í 100 metra skriðsundi á laugardag.

Bryndís Rún kom til Íslands alla leið frá Hawaii til að taka þátt í Íslandsmótinu. Bryndís stundar nám við háskóla í Hawaii og æfir og keppir með sundliði skólans.

Sjá einnig

Í skýjunum með fimm Íslandsmet á fimm dögum

Sambíó

UMMÆLI