Jurgen Klopp er einn vinsælasti þjálfarinn í knattspyrnuheiminum
Jurgen Klopp stjóri enska knattspyrnuliðsins Liverpool er staddur á Íslandi um þessar mundir. Fótboltatímabilið á Englandi kláraðist fyrir stuttu og virðist Ísland og Akureyri vera vinsæll áfangastaður í fríinu fyrir stórstjörnur enska boltans. Eins og við greindum frá hér á Kaffinu var Juan Mata leikmaður Manchester United staddur hér á dögunum.
Jurgen Klopp er á leið á skíði og stoppaði við á Akureyrarflugvelli fyrr í kvöld. Fótboltamiðillinn 433 greindi frá því og þar er hægt að sjá mynd af kappanum með Tómasi Viðarssyni tollverði. Klopp ku vera að fara í skíðaferð og er talið að hann dvelji á Deplum, 5 stjörnu hótelsvæði nálægt Siglufirði.
UMMÆLI