fbpx

Mokuðu snjó fyrir utan Hlíð og Lögmannshlíð

Mokuðu snjó fyrir utan Hlíð og Lögmannshlíð

Leikmenn og þjálfarar úr handboltaliði Þórs mættu vopnaðir skóflum fyrir utan Öldrunarheimilið Hlíð og Hjúkrunarheimilið Lögmannshlíð í gær og hreinsuðu snjó frá neyðarútgöngum, gluggum og öðrum gönguleiðum.

Sjá einnig: Friðrik Ómar og Valmar skemmtu íbúum á Öldrunarheimilum Akureyrar – Myndband

Halldór Örn Tryggvason, þjálfari liðsins, segir í samtali við heimasíðu Þórs að handboltakapparnir hafi tekið upp á þessu sjálfir.

„Þarna sést vel það sem ég hef áður sagt, þessir drengir eru tilbúnir að leggja mikið á sig allir sem einn og samheldnin í liðinu er svo mikil. Svo er bara svo gaman að geta orðið að liði á þessum erfiðu tímum og að sjálfsögðu er þetta sjálfboðavinna,“ sagði Halldór.

Myndir sem Palli Jóh tók frá mokstrinum eru á Thorsport.is

UMMÆLI