Tveir aðilar voru fluttir á Sjúkrahúsið á Akureyri vegna efnaleka í Endurvinnslunni á Akureyri í dag. Enginn er talinn í lífshættu.
Á vef RÚV segir að samkvæmt upplýsingum frá lögreglunni lét starfsfólk Endurvinnslunnar vita af mögulegum efnaleka eftir að þau fundu fyrir ertingu í augum og öndunarfærum. Það var talið stafa af efni sem hafði ratað inn á flöskumótttöku Endurvinnslunnar.
Lögregla telur að efnið hafi verið vökvi í flösku, sem starfsfólk hafi hellt í niðurfall eins og venjan er á flokkunarstöðinni.
Uppfært 15:37
Búið er að aflétta öllum lokunum. Lögregla og Slökkvilið eru að ljúka störfum á vettvangi
Nánar um málið hér:
UMMÆLI