Geir markahæstur í tapi – Oddur í sigurliði

Geir var öflugur í kvöld en það dugði skammt

Geir var öflugur í kvöld en það dugði skammt. Mynd: Getty

Geir Guðmundsson var markahæsti leikmaður Cesson-Rennes þegar liðið beið lægri hlut fyrir Nantes í frönsku úrvalsdeildinni í handbolta í kvöld.

Geir skoraði fimm mörk úr níu skotum í fjögurra marka tapi en lokatölur urðu 29-25 fyrir Nantes. Guðmundur Hólmar Helgason stóð í ströngu í vörn Cesson-Rennes en tókst ekki að komast á blað í markaskorun þrátt fyrir eina skottilraun.

Þetta var fyrsta tap Cesson-Rennes í síðustu fimm leikjum og situr liðið nú í níunda sæti deildarinnar en alls leika fjórtán lið í frönsku úrvalsdeildinni.

Í þýsku B-deildinni var Oddur Gretarsson á fleygiferð með liði sínu Emsdetten sem vann þriggja marka sigur á Wilhelmshavener. Oddur skoraði fjögur mörk úr sjö skotum. Emsdetten nú komið í tólfta sæti deildarinnar en alls eru tuttugu lið í þýsku B-deildinni.

Sjá einnig

Geir Guðmundsson í nærmynd – Gunni Mall Jr. mest pirrandi

Guðmundur Hólmar í nærmynd – Eyrarland besti staður í heimi

Oddur Gretarsson í nærmynd – Myndi aldrei spila með KA

Sambíó

UMMÆLI

Sambíó