![Guðmundur Hólmar skoraði tvö í kvöld.](http://www.kaffid.is/wp-content/uploads/2016/12/gudmundur-cession.jpg)
Guðmundur Hólmar skoraði tvö í kvöld.
Frændurnir Guðmundur Hólmar Helgason og Geir Guðmundsson voru í eldlínunni í franska handboltanum í kvöld þegar Cesson-Rennes fékk Snorra Stein Guðjónsson og félaga í Nimes í heimsókn.
Leikurinn var jafn og spennandi frá upphafi til enda en Cesson-Rennes var einu marki yfir í leikhléi, 11-10.
Nimes náði svo yfirhöndinni í síðari hálfleik og komst mest þrem mörkum yfir en þegar rúm ein og hálf mínúta var eftir af leiknum var staðan 20-23 fyrir gestina. Guðmundur, Geir og félagar gáfust ekki upp og náðu að jafna leikinn með því að skora þrjú mörk á lokamínútu leiksins. Lokatölur 24-24.
Guðmundur skoraði tvö mörk úr átta skotum og Geir var með eitt mark úr fjórum skotum. Snorri Steinn reyndist þeim erfiður en hann var markahæsti maður vallarins með níu mörk.
![Ótrúleg dramatík](http://www.kaffid.is/wp-content/uploads/2016/12/cessonrennesnimes-650x420.jpg)
Ótrúleg dramatík
Sjá einnig
UMMÆLI