Intersand MaxCare 12 kg | Gæludýr.is

Gengur þú fyrir eigin afli?

Gengur þú fyrir eigin afli?

Við Íslendingar erum heimsmeistarar í mörgu og þar á meðal neyslu orkudrykkja!
Orkudrykkjabransinn blómstrar sem aldrei fyrr og hægt er að finna um 30 mismunandi tegundir í næstu verslun. Í raun eru þessir drykkir löngu búnir að taka fram úr gosdrykkjum og þar förum við úr öskunni í eldinn. Þegar ég hjólaði frá Akureyri og yfir víkuskarðið í sumar taldi ég 15 orkudrykkjadósir en bara 2 gosdósir á leiðinni. Mjög stór hluti unglinga og svo næsta húsmóðir ganga fyrir þessu en ekki eigin afli. Einnig rennur orkudrykkjaduft út sem heitar lummur og þar erum við líka með heimsmet í neyslu. Að keyra líkamann áfram allan daginn á orkudrykkjum eða orkudufti er langt frá því að vera hollt.

Verslanir og innflytjendur hafa því miður náð að markaðssetja þetta sem holla vöru sem og samfélagsmiðlastjörnur. Mánaðarskammtur fyrir orkudrykki, miðað við neyslu almennings, er í kringum 30.000 kr. á mánuði. Það má nú alveg nota það í annað gáfulegra. En er þetta svo hollt? Hátt magn af koffíni, aukaefni, litarefni, hátt magn af sykri eða sætuefna sem eru ekkert betri en sykurinn. Margir komast varla fram úr rúminu án þess fá sér orkudrykk eða orkuduft. Vítahringur sem endurtekur sig dag eftir dag, setur blóðsykurinn í rússíbanareið og þá verður einnig erfiðara að halda góðu mataræði. Hér að neðan eru dæmi um fleiri aukaverkanir vegna orkudrykkja:

  • Óreglulegur blóðsykur
  • Hegðunarbreytingar
  • Erfiðleikar með svefn
  • Skjálfti
  • Pirringur
  • Ofþjálfun
  • Ógleði
  • Aukin hjartsláttur
  • Hækkaður blóðþrýstingur
  • Meltingatruflanir
  • Aukin kvíði

Auðvitað geta allir dottið á orkudrykkjavagninn þegar mikið er að gera hjá okkur, ég sjálfur er engin undantekning en það er einnig lítið mál að hætta. Ef þú ert að drekka t.d. 3 skammta á dag af orkudrykkjum eða dufti, þá minnkarðu um einn á hverri viku þar til þú ert laus undan orkudrykkjafíkninni. Vatnið er best og til að sjá hvað þú átt að drekka mikið vatn á dag er hér góð formúla frá Dr. Batmangelli. 0.033 * líkamsþyngd þín.100 kg maður á því að drekka um 3.3 lítra af vatni á dag fyrir utan te og kaffi af því að það telst ekki með.
Ef að þú ert í dag bara í helmingnum af því sem er ráðlagt í vatnsdrykkju þarftu að auka það rólega jafnt og þétt svo þú sért ekki sífellt á salerninu.

Hægt er að senda ábendingar eða ræða við mig á david@30.is
Davíð Kristinsson
Heilsuþjálfari hjá Heilsuþjálfun á Akureyri.

UMMÆLI

Sambíó