fbpx

Ljósin tendruð á Ráðhústorgi að viðstöddu fámenni vegna Covid-19

Ljósin tendruð á Ráðhústorgi að viðstöddu fámenni vegna Covid-19

Í gærkvöld voru ljósin á jólatrénu frá vinabænum Randers í Danmörku tendruð á Ráðhústorgi. Venjan hefur verið að efna til samkomu á Ráðhústorgi við þetta tilefni en vegna kórónuveirufaraldursins þótti slíkt ekki koma til greina að þessu sinni. Þetta kemur fram á vef bæjarins.

Fulltrúi frá danska sendiráðinu í Reykjavík, Adam Grønholm, kom ásamt konsúl Dana á Akureyri, Helga Jóhannessyni, til að afhenda tréð með formlegum hætti og veitti Ásthildur Sturludóttir, bæjarstjóri, því viðtöku.

Adam aðstoðaði síðan dönsk-íslensku systkinin Dagmar Elvíru, 4ra ára, og Erik Valdemar, 6 ára, við að styðja á hnappinn og kveikja ljósin á trénu. Barnakór Akureyrarkirkju undir stjórn Sigrúnar Mögnu Þórsteinsdóttur söng jólalög þegar tréð færðist í ljósaskrúða.

Fréttastofa RÚV var á staðnum og myndaði stemninguna:

Ljósin kveikt á jólatrénu við Ráðhústorg

Það var skemmtileg stund þegar kveikt var á jólatrénu við Ráðhústorg nú í kvöld. Fréttastofa RÚV var að sjálfsögðu á staðnum

Posted by RÚV á Norðurlandi on Friday, November 27, 2020

UMMÆLI

Gormur