fbpx

N4 beinir linsunum að landsliðsmönnum frá landsbyggðunum


Fimmtudaginn 14. júní  hefst nýr þáttur á N4 þar sem fjallað verður um þá landsliðsstráka frá landsbyggðunum sem komust í lokahóp HM í Rússlandi.

Þættirnir verða alls fjórir og í hverjum þeirra verða tveir landsliðsmenn teknir fyrir. Umsjónarmenn eru Skúli Bragi Magnússon dagskrárgerðarmaður og Árni Rúnar Hrólfsson kvikmyndatökumaður.

„Við fáum að kynnast strákunum með augum bæjarfélagsins þaðan sem þeir koma. Foreldrar, ömmur og afar, bræður og systur, vinir og þjálfarar segja frá uppvaxtarárum og karakter strákanna. Við fengum frábærar móttökur við gerð þáttanna, allir voru tilbúnir til að hjálpa okkur við að gera skemmtilegt sjónvarp og síðast en ekki síst upplýsandi. Í þessum þáttum kemur margt nýtt fram, sem til þessa hefur ekki verið nema á vitorði þeirra nánustu. Við renndum í raun og veru nokkuð blint í sjóinn, en eftir því sem líður á vinnsluna erum við sannfærðir um að þættirnir komi til með að vekja athygli,“ segja þeir félagar Skúli Bragi og Árni Rúnar.

Landsbyggðastrákarnir okkar í þáttunnum eru eftirtaldir leikmenn:

Björn Bergmann Sigurðarsson – Akranes

Jón Daði Böðvarsson – Selfoss

Arnór Ingvi Traustason – Reykjanesbær

Samúel Kári Friðjónsson – Reykjanesbær

Aron Einar Gunnarsson – Akureyri

Birkir Bjarnason – Akureyri

Hólmar Örn Eyjólfsson – Sauðárkrókur

Alfreð Finnbogason – Grindavík

Hér að neðan má sjá sýnishorn úr þáttunum: 

Fyrsti þátturinn verður frumsýndur fimmtudaginn 14. júní klukkan 20:30

Annar þátturinn er á dagskrá mánudaginn 18. júní klukkan 20:30

Þriðji þátturinn er á dagskrá þriðjudaginn 19. júní klukkan 20:30

Fjórði þátturinn er á dagskrá miðvikudaginn 20. júní klukkan 20:30

UMMÆLI