Akureyrarbær vill minna ökumenn á að notkun nagladekkja er bönnuð frá og með 15. apríl til og með 31. október nema þeirra sé þörf vegna akstursaðstæðna. Þetta kemur fram í tilkynningu frá bænum.
Nagladekk auka kostnað á viðhaldi gatna með því að slíta malbikið hundraðfalt hraðar en önnur dekk. Einnig auka þau eldsneytiskostnað bifreiða, valda óþarfa hávaða og draga úr loftgæðum með mengun.
Svifryksmengun á Akureyri hefur þrisvar mælst yfir heilsumörkum það sem af er aprílmánaðar og bæjaryfirvöld reyna að stemma stigu við vandanum.
Tökum því nagladekkin úr umferð eigi síðar en 15. apríl.
UMMÆLI