Í vetur hefur breska flugfélagið Easyjet í fyrsta sinn flogið beint til Akureyrar frá London. Breskum hótelgestum fjölgar þó ekki hratt fyrir norðan. Þetta kemur fram á vef ff7.is.
Tölur um nýtingu á gistingu í janúar 2024 ná aðeins yfir heilsárshótel, en vitað er að Bretar hafa nýtt fjölbreytta möguleika í gistingu á Norðurlandi.
„Til að byrja með var mikill meirihluti í fluginu Norðlendingar en nú er hlutfallið að breytast og Bretum að fjölga, komið í um helming í vélunum og góður vöxtur í bókunum að utan sem auðvitað er ástæðan fyrir að búið er að taka ákvörðun um að halda fluginu áfram næsta vetur,“ segir Arnheiður Jóhannsdóttir, framkvæmdastjóri Markaðsstofu Norðurlands.
UMMÆLI