Í gær, 15. janúar var úthlutað úr Minningarsjóði Baldvins Rúnarssonar. Kvennaathvarfið á Akureyri og Menntaskólinn á Akureyri hlutu styrki að þessu sinni. Baldvin hefði orðið 27 ára gamall í gær.
400 þúsund krónur voru gefnar til Menntaskólans á Akureyri sem styrkur til að nota í kaup á tækjum í útiæfingaaðstöðu skólans. Baldvin útskrifaðist sem stúdent úr Menntaskólanum á Akureyri.
Kvennaathvarfinu var færður Ipad að gjöf auk 300 þúsund króna styrks en gjöfinni er ætlað að bæta aðstöðu fyrir börn sem þar dvelja.
Skapti Hallgrímsson tók myndirnar við afhendingarnar.
UMMÆLI