Eldur kom upp í bíl í íbúðarhúsnæði við Gránufélagsgötu á Akureyri í gærkvöldi. Betur fór á en horfðist en eigandi húsnæðisins bjargaði málunum með því að ýta logandi bílnum úr bílskúr.
Jónas Baldur Hallsson, varðstjóri hjá Slökkviliðinu á Akureyri, segir á mbl.is að mesta hættan hafi verið liðin hjá þegar slökkviliðið bar að garði.
„Eigandinn var harðari en allt sem er hart og ýtti bara bílnum logandi út. Þetta er hörkutól vikunnar,“ segir Jónas á mbl.is.
Að sögn hans notaðist maðurinn við öxlina til að ýta gömlum Pontiac úr húsinu. Að öllum líkindum kviknaði eldurinn vegna eldsneytisleka. Þegar slökkviliðið bar að garði hafði maðurinn tekið fram garðslöngu og ráðið niðurlögum eldsins að mestu leyti.
UMMÆLI