Það var nóg um að vera í boltanum um helgina og voru nokkrir Akureyringar í eldlínunni víða um Evrópu.
Fótbolti – Birkir á skotskónum
Birkir Bjarnason
Birkir Bjarnason var á skotskónum í Sviss þegar lið hans, Basel, vann öruggan sigur á Vaduz í svissnesku úrvalsdeildinni. Birkir skoraði fimmta mark Basel í 6-0 sigri. Smelltu hér til að sjá myndband af marki Birkis.
Í ensku B-deildinni var Aron Einar Gunnarsson á sínum stað í byrjunarliði Cardiff sem vann 3-2 heimasigur á Huddersfield. Aron lék allan leikinn á miðjunni hjá Cardiff og átti góðan leik.
Hallgrímur Jónasson hóf leik á varamannabekknum en kom inná og lék síðasta hálftímann þegar Lyngby tapaði 1-0 fyrir Horsens í dönsku úrvalsdeildinni.
Handbolti – Oddur og Sigtryggur Daði markahæstir
Oddur er eiginlega alltaf markahæstur hjá Emsdetten
Arnór Þór Gunnarsson skoraði þrjú mörk úr sex skotum þegar Bergischer steinlá fyrir Erlangen í þýsku Bundesligunni en leiknum lauk með níu marka sigri Erlangen, 35-26.
Oddur Gretarsson var markahæstur í liði Emsdetten eins og stundum áður. Oddur skoraði sex mörk úr ellefu skotum þegar Emsdetten tapaði fyrir Hamm-Westfalen í þýsku B-deildinni.
Í sömu deild vann Íslendingalið Aue magnaðan útisigur á Saarlouis, 23-24. Sigtryggur Daði Rúnarsson gerði sér lítið fyrir og var markahæstur með fjögur mörk úr fimm skotum. Frændi hans, Árni Þór Sigtryggsson, var með þrjú mörk úr fimm skotum. Afar mikilvægur sigur sem skaut Aue upp úr fallsæti.
Arnór Atlason og félagar í Álaborg unnu enn einn sigurinn í dönsku úrvalsdeildinni þegar Randers heimsótti toppliðið. Lokatölur 25-19 fyrir Álaborg en Arnór komst ekki á blað að þessu sinni.
Atli Ævar Ingólfsson átti góðan leik þegar Savehof og Ricoh gerðu jafntefli í sænsku úrvalsdeildinni. Atli skoraði sjö mörk en leikurinn endaði með jafntefli, 28-28. Atli og félagar sitja í þriðja sæti sænsku úrvalsdeildarinnar.
Sjá einnig
Arnór Atlason í nærmynd – Ólíklegt að maður endi í Þórsbúningnum
Árni Þór Sigtryggsson í nærmynd – Dómarar mest pirrandi andstæðingar
Hallgrímur Jónasson í nærmynd – Mestu vonbrigðin að fara ekki á EM
Aron Einar í nærmynd – Atli og Palli gerðu mig að þeim íþróttamanni sem ég er
UMMÆLI