Háskólinn á Akureyri hefur stóraukið framboð á námskeiðum á meistarastigi við Auðlinda- og Viðskiptadeild og býður upp á 13 ný námskeið fyrir skólaárið 2021-2022. Þetta kemur fram á heimasíðu Háskólans á Akureyri.
Á undanförnum árum hefur Viðskipta- og raunvísindasvið Háskólans á Akureyri boðið upp á rannsóknatengt meistaranám í bæði Auðlinda- og Viðskiptadeild þar sem námsskrá meistaranámsins er sniðin að hverjum og einum stúdent.
Hægt verður að sækja um meistaranám í auðlindafræði (líftækni og sjávarútvegsfræði), stjórnun sjávarauðlinda eða viðskiptafræði. Til viðbótar er boðið upp á meistaranámslínuna MARBIO, en sú lína er samnorrænt meistaranám í framleiðslu og nýtingu á lífrænum sjávarafurðum og er boðið upp á sameiginlega af þremur norrænum háskólum auk HA: Háskólanum á Hólum, Háskólanum í Gautaborg og Nord-háskólanum í Bodö, Noregi.
UMMÆLI