Hjartavernd Norðurlands færir HSN Akureyri rausnarlegar gjafir

Hjartavernd Norðurlands færir HSN Akureyri rausnarlegar gjafir

Fulltrúar Hjartaverndar Norðurlands komu í heimsókn á heilsugæslustöðina á Akureyri í dag, fimmtudaginn 3. mars. Tilgangur heimsóknarinnar var formleg afhending gjafa.

Hjartavernd Norðurlands færði heilsugæslunni að gjöf hjartalínuritstæki af fullkomnustu gerð frá Philips TC50 á hjólastandi að verðmæti 1.931.422 kr. og blóðþrýstingsmæli frá Welch Allyn á hjólastandi að vermæti 154.900 kr.

Gjafir sem þessar styðja við mikilvægt starf heilsugæslunnar og er HSN afar þakklát Hjartavernd Norðurlands sem hefur verið dyggur stuðningsaðili til margra ára.

Á myndinni eru Ingibjörg Lára Símonardóttir yfirhjúkrunarfræðingur svæðis, Valur Helgi Kristinsson yfirlæknir, Snæbjörn Þórðarson formaður Hjartaverndar Norðurlands, Kristín Sigfúsdóttir og Þorlákur Axel Jónsson fulltrúar félagsins, Guðný Friðriksdóttir framkvæmdastjóri hjúkrunar og Sólveig H. Jónsdóttir hjúkrunarfræðingur hjá HSN.

Ticket to Paradise

UMMÆLI

Ticket to Paradise