fbpx

Kvennaathvarf á Akureyri formlega opnað í dag

Kvennaathvarf á Akureyri formlega opnað í dag

Í dag fór fram formleg opnun á kvennaathvarfi á Akureyri. Á Facebook-síðu Akureyrarbæjar segir að athvarfið verði mikilvæg viðbót við þá þjónustu sem er veitt þolendum ofbeldis á Norðurlandi.

Þjónusta athvarfsins verður viðbót við starfsemi Bjarmahlíðar sem sinnt hefur þjónustu við þolendur ofbeldis á Norðurlandi undanfarin misseri. Jafnframt verður það viðbót við þjónustu Kvennaathvarfsins en það hefur lengi staðið til að færa þjónustuna út fyrir höfuðborgarsvæðið. 

Athvarfið verður opnað í góðu samstarfi við sveitarfélög á Norðurlandi eystra, Aflið og ráðherra félagsmála og dómsmála. 

Signý Valdimarsdóttir félagsráðgjafi hefur hafið störf sem verkefnisstýra nýja athvarfsins.

UMMÆLI