Hafþór Andri Sigrúnarson setti eitt af níu mörkum SA.
Strákarnir í íshokkíliði Skautafélags Akureyrar gerðu góða ferð í höfuðborgina í gær þar sem þeir heimsóttu Skautafélag Reykjavíkur í Hertz-deild karla.
Mikið var skorað í leiknum sem endaði með 9-5 sigri Akureyringa. Á sama tíma lagði Esja Björninn og eru Esjumenn því búnir að tryggja sér deildarmeistaratitilinn.
Markaskorarar SA: Jussi Sipponen 3, Jón Benedikt Gíslason 2, Mikko Salonen 1, Sigurður Sigurðsson, Hafþór Andri Sigrúnarson 1, Kristján Árnason 1.
Esja hefur 47 stig í 1. sæti en SA hefur 25 stig í 2. sæti og komst þar með upp fyrir Björninn sem hefur 23 stig. SR hefur áfram 10 stig í 4. sæti og ljóst að nú tekur við mikil barátta SA við Björninn um annað sætið og þar með farseðil í úrslitaeinvígi við Esju um Íslandsmeistaratitilinn.
UMMÆLI