Olís mun opna nýja ÓB sjálfsafgreiðslu bensínstöð við Sjafnargötu á Akureyri en á dögunnum var fyrsta skóflustungan að nýju stöðinni tekin. Þetta kemur fram á mbl.is.
Sjá einnig: Stefna á að fækka bensínstöðvum á Akureyri
Jón Ólafur Halldórsson, forstjóri Olís, segir í tilkynningu að stöðin muni auka mjög þjónustu einstaklinga og fyrirtækja á Akureyri.
Fréttirnar koma á óvart í ljósi þess að Halla Björk Reynisdóttir, forseti Bæjarstjórnar á Akureyri, lýsti því yfir í maí á þessu ári að það væri stefna bæjarins að fækka bensínstöðvum í bænum.
Nærri helmingi fleiri bensínstöðvar eru á Akureyri en í Reykjavík ef miðað er við íbúafjölda. Halla sagði í maí að stefna bæjarins sé að jarðefnaeldsneyti víki fyrir nýjum orkugjöfum og þá muni bensínstöðvum fækka.
UMMÆLI