fbpx

Hvað stóð upp úr 2017?

Akureyri gamlárkvöld/nýársnótt 2014-2015.
Mynd: Auðunn Níelsson / audunn.com

Árið hefur verið ansi viðburðaríkt hjá okkur á Norðurlandinu og höfum við hjá Kaffinu tekið saman það sem stóð upp úr á árinu í fréttum í hverjum mánuði fyrir sig.

Janúar:

Íslenskir stuðningsmenn komu til greina sem stuðningsmenn ársins í FIFA fyrir árið 2016, en þeir voru tilnefndir til verðlaunanna fyrir frábæra frammistöðu á EM í Frakklandi.

Stuðningsmenn Íslands tilnefndir til verðlauna hjá FIFA – Kjóstu núna!

Jónas Helgason, fyrrum kennari við Menntaskólann á Akureyri birtir færslu á Facebook síðu sinni þar sem hann hvatti til umhugsunar til aðstandenda og íbúa Uummannaq á Grænlandi. Færslan birtist þegar hvarf Birnu Brjánsdóttur logaði sem eldur í sinu á samfélagsmiðlunum.

„Hugur minn er allur hjá íbúum Uummannaq“

Elín Inga Bragadóttir, skrifaði ansi áhugaverða færslu á Facebook um þann ótta sem konur þurfa að búa við og færslan fékk svakalega mikinn lestur og deilingar.

„Við konur eigum að geta treyst því að geta gengið um borgina okkar og komist heilar heim“

Febrúar:

Leiðinlegur Akureyringur birti topp 10 ástæður þess að Akureyringar eru leiðinlegir og listinn sló í gegn, enda tengdu eflaust margir leiðinlegir Akureyringar við hann.

Topp 10 – Ástæður þess að Akureyringar eru leiðinlegir

Sigurður Guðmundsson skrifaði um kjaradeilur heimskunnar.

Kjaradeila heimskunnar

Tveir nýjir veitingastaðir opnuðu á Akureyri í febrúar sem hafa notið vinsælda hjá Akureyringum.

Tveir nýir veitingastaðir opna á Akureyri

Mars:

Íbúar í Naustahverfi á Akureyri urðu heldur betur skelkaðir yfir óprúttnum aðilum sem virtust ganga um hverfið og taka í hurðarhúna hjá íbúum.

Íbúar í Naustahverfi óttaslegnir

Edda Sól Jakobsdóttir, 19 ára nemandi við Menntaskólann á Akureyri, skrifaði á Facebook síðu sína svar við grein sem birtist á vefnum Austurfrétt.

,,Við þurfum að fá að reka okkur á, leyfið okkur að þroskast“

Apríl:

Aðalbjörn Jóhannsson skrifaði pistil sem naut mikilla vinsælda.

Ég eyddi viku á geðdeild

Joumaa Ahmad Nasr, sýrlenskur flóttamaður búsettur á Akureyri, birti ansi skemmtilegt myndband á Facebook síðu sinni sem bræddi mörg hjörtu

Sýrlenskir strákar tala saman á íslensku – myndband

Keiluhöllin á Akureyri skellti í lás um mánaðarmótin apríl-maí.

Keiluhöllin á Akureyri lokar 1. maí

Maí:

Aldís Björk Benjamínsdóttir, 25 ára, skrifaði ansi áhugaverða færslu á Facebook þar sem hún sagði farir sínar ekki sléttar í samskiptum við heilbrigðiskerfið

Ítrekað send heim með blóðtappa í heila

Þóranna Friðgeirsdóttir skrifaði pistil á Facebook síðu sinni sem margir tengdu við og naut gífurlegra vinsælda.

„Ég var hræðileg móðir, hvernig gat ég gert þetta?“

Íbúar Naustahverfis urðu órólegir þegar barn í hverfinu kom að ókunnum manni í eldhúsinu.

Biðlar til íbúa í Naustahverfi að vera á varðbergi – Barn kom að manni í eldhúsinu

Júní:

Kolbrún Sævarsdóttir, ungur Akureyringur sem gekk nýverið með sitt fyrsta barn, opnaði sig í hreinskilnum og einlægum pistli.

,,Ég hef aldrei verið jafn stór eða þung eins og núna en ég er svo hamingjusöm“

Opnun Costco á höfuðborgarsvæðinu gerði allt vitlaust og Akureyringar vildu fá að taka þátt.

Krefjast þess að fá Costco til Akureyrar

Stefán Tryggva- og Sigríðarson, eigandi hótelsins Natur í Vaðlaheiði, bar sigur úr býtum í hugmyndakeppninni á vegum EIMUR, Íslensk Verðbréf og Vaðlaheiðargöng hf. með hugmynd sinni að byggja baðhella við Vaðlaheiðargöng.

Baðhellar í Vaðlaheiði unnu hugmyndakeppnina um nýtingu lághitavatns á norðausturlandi

Júlí:

Sigurður Guðmundsson skrifaði pistil þegar fár gekk um allt land vegna húss sem er kennt við Steinnes hér á Akureyri.

Eru allir hálfvitar?

Anna Sigrún Benediktsdóttir, sagði á Facebook síðu sinni frá erfiðri lífsreynslu sem hún lenti í þegar hún fór í bíltúr með ungan son sinn.

Sá fyrir sér að lífinu með tvíburunum sínum væri lokið

Guðmundur Ómarsson leigir út íbúð á Krókeyrarnöf. Hann var orðinn þreyttur á eiturgræna litnum á bíl leigjanda síns og ákvað ásamt vini sínum, Níelsi Þóroddssyni, að gera eitthvað í málunum.

Litaði bíl leigjanda síns og fékk slökkviliðið til að taka þakið af

Ágúst:

Það er löngu vitað að Akureyringar eru fremri öllum Íslendingum og Kaffinu fannst því réttast að raða ástæðum þess niður í lista í ágúst.

7 ástæður af hverju Akureyringar eru betri en allir aðrir

Hákon Örn Hafþórsson skrifaði einlægan pistil sem náði til margra.

Það væri miklu einfaldara ef ég myndi bara hverfa

Þóranna Friðgerisdóttir skrifaði kraftmikinn pistil.

,,Við erum ekkert meira ómissandi en faðir barnanna okkar“

September:

Kaffið tók saman hluti sem Akureyringar gátu verið sammála um að vantaði á Akureyri.

Topp 10 – Hlutir sem vantar á Akureyri

Kraftlyftingafélag Akureyrar stóð í hörðum deilum á samfélagsmiðlum og fjölmiðlum við Akureyrarbæ sem náði augum og eyrum flestra Akureyringa. Þessi pistill er frá Grétari Skúla, formanni KFA, og er skrifaður til bæjarfulltrúa.

Að hagræða staðreyndum

Aaron Paul, leikari í myndaþáttaröðinni Breaking Bad, var staddur á Akureyri.

Aaron Paul er staddur á Akureyri

Október:

Akureyringar og Norðlendingar skera sig úr frá restinni af landinu bæði með því að rökstyðja afhverju Akureyringar séu betri en allir aðrir og með því að nefna ástæður sem gera Akureyringa leiðinlega. Sá þáttur sem hefur verið mest afgerandi í gegnum tíðina þegar Akureyringar eru teknir fyrir er þó mállýskan.

Orðin sem eru bara notuð á Norðurlandi

Nemendur við Háskólann á Akureyri urðu vitni að ansi skondnu atviki.

Myndband: Lögreglan sektuð við Háskólann á Akureyri

Veitingahúsið Sjanghæ opnaði aftur þann 27. september síðastliðinn eftir að því var lokað vegna fréttaflutnings Rúv um grunað vinnumansal á staðnum, sem reyndist síðar ekki rétt.

Eigandi Sjanghæ í skýjunum með Akureyringa

Nóvember:

Haukur Sindri Karlsson, íbúi í Eyjafjarðasveit, lenti í heldur óskemmtilegri lífsreynslu í kjölfar óveðursins sem reið yfir Norðurlandið í nóvember.

Gleymdi að skrúfa upp rúðurnar á bílnum þegar óveðrið gekk yfir – Sjáðu myndina

Indverski veitingastaðurinn Indian Curry Hut á Akureyri mun í desember opna á nýjum og stærri stað.

Indian Curry Hut stækkar við sig og breytir um nafn

Desember:

Jónas Björgvin Sigurbergsson skrifaði pistil sem sló í gegn.

Mér líður illa

Nætursalan skellti í lás.

Nætursalan lokar

World Class keypti Átak heilsurækt nýverið og það þóttu mikil tíðindi.

World Class kaupir Átak

 

 

UMMÆLI